Støtteordninga er forankra i Heiplanen.

Tiltaket er forankra i handlingsprogrammet 2024-2027 til satsingsområdet Kunnskapsbasert planlegging og utvikling, tiltak 2.4 Kunnskapsformidling til barn og ungdom.

Handlingsprogrammet vart godkjend i fylkestinga i Vestland, Rogaland, Agder og Telemark fylkeskommunar hausten 2023 og våren 2024. 

Arrangere / legge til rette for opplevingar eller aktivitet for å gi skuleborn og -ungdom auka kunnskap, stoltheit og forståing av heieområda og villreinen.  

Aktivitetane og opplevingane skal gi skuleungdommane auka kunnskap og betre forutsetning for å taka omsyn til villreinen.

Det er ein føresetnad at aktivitetane og opplevingane ikkje er i konflikt med leveområda til villreinen. 

Kommunar og skular i Heiplankommunane kan søke 

Frivillige organisasjonar kan søke om støtte til aktivitetar som leggjast til ein eller fleire av Heiplankommunane 

Private aktørar kan søke om støtte til aktivitetar dersom aktiviteten famnar ein eller fleire skular og samarbeid med disse er etablert. Skulane må ligge i Heiplankommunane.  

15. mars 2026. 

Informasjon om retningsliner og søknadsfrist vert kunngjort på heimesida til fylkeskommunane og med brev til aktuelle søkjarar.  

Om de treng hjelp til å bruka søkjarportalen www.regionalforvaltning.no, ta kontakt med: Katrine Skajaa Gunnarsli, Agder fylkeskommune.

Om de ynskjer rettleiing i utforminga av aktivitet/opplegg  ta kontakt med:

• Telemark fylkeskommune, Ulla Beck Bråten, 902 53 687.

• Agder fylkeskommune, Katrine S. Gunnarsli, 906 32 657.

• Rogaland fylkeskommune, Vegard Næss, 476 13 110.

• Vestland fylkeskommune, Snorre Waage, 959 76 861. 

De kan søke om økonomisk støtte til å gjennomføre aktivitetar som er i samsvar med føremålet. Det kan løyvast inntil 50 prosent av godkjend budsjett. 

Søknadene blir handsama og avgjort av Heiplansekretariatet. 

Fyrste sjekkpunktet er om aktiviteten/prosjektet er i konflikt med leveområda til villreinen og omsynssonene i Heiplanen. Om aktiviteten verkar å vera i konflikt, blir søknaden avslått. Om ikkje i konflikt, blir søknaden vurdert etter kriteria under:

Kva og korleis kunnskapen vil bli formidla og korleis dette vil gje skuleungdom auka kunnskap og betre forutsetning for å taka omsyn til villreinen

Forankring i skuleplanen

Gjennomføringsevne. Korleis kan prosjektet/tiltaket gjennomførast med mindre tilskot enn de det søkjer om?

Det er ynskjeleg å få til ei god geografisk spreiing av dei prosjekta/tiltaka som får økonomisk støtte. 

Det kan løyvast inntil 50% av godkjent budsjett. Maks støtte er kr. 50.000. Godkjend timepris for eigeninnsats i budsjettet, er maks 1 promille av brutto årsløn med ei maks grense på kr. 800 per time. 

De skal dele erfaringar og lærdom frå prosjekta/tiltaka på Heiplansamlinger. 

De må skildre i søknaden korleis prosjektet/tiltaket oppfyller vurderingskriteria. 

De må gjennomføra prosjektet/tiltaket i samsvar med søknad, godkjend budsjett og finansieringsplan. Om endringar, må desse godkjennast på førehand. 

I tilsegnsbrevet blir det sett ein frist for gjennomføring. Om prosjektet ikkje blir avslutta innan fristen, blir tilskotet trekt attende. De kan be om utsetjing av fristen. 

De skal utarbeide ein prosjektrekneskap med postar som gjer det mogleg å samanlikna rekneskapen med godkjend budsjett. Prosjektrekneskapen skal liggja med når de ber om sluttutbetaling. Prosjektrekneskapen treng ikkje vera godkjent av ein autorisert revisor.  

De må be om utbetaling. De gjer dette i www.regionalforvaltning.no saman med sluttrapport og prosjektrekneskap.

Dersom det er naudsynt for gjennomføring av prosjektet/tiltaket kan be om å få betalt ut inntil 80% når prosjektet/tiltaket startar. Det som står att må de be om å få betalt ut på same måte som over.