Den kulturelle spaserstokken er ei fylkeskommunal støtteordning der Agder fylkeskommune deler ut midlar til kommunane, basert på talet på innbyggarar over 70 år, med garanti for ein minstesum. For 2026 er det sett av kr. 1 861 000 til ordninga. 

Kva skal midlane nyttast til? 

Midlane skal gå til profesjonell kunst- og kulturformidling innan alle sjangrar og uttrykk, som gir eldre eit tilpassa kulturtilbod på stader der dei er i dagleglivet. 

Det er viktig at det er godt samarbeid mellom kultur og omsorgsektoren i kommunen når ein utformer og gjennomfører tilbod. Tilbodet må gjerne skje i samarbeid med kunst- og kulturinsitusjonar, kunstnarar og andre kulturaktørar på lokalt eller regionalt nivå. 

Tildeling av midlar og rapportering 

Det er berre kommunane i Agder som har høve til å ta imot midlar. Kommunane som tar imot midlar forpliktar seg til å gi eit tilbod i Den kulturelle spaserstokken, og å levere rapport om aktiviteten.