Fergen Romantika til kais i Kristiansand havn.
Jon Hallvard Eide, Agder fylkeskommune
–Den nye ferja til Nederland er veldig viktig for Agder som ein internasjonalt-orientert og eksportrettet region. Ho vil bidra til å tilrettelegga for turisme og handel, så vel som for auka samarbeid mellom næringslivet, universitet, skular, kulturinstitusjonar og offentleg sektor i dei to regionane, seier fylkesordførar Arne Thomassen.
–Nord-Nederland og Agder har dessutan mykje til felles når det gjeld produksjon av fornybar energi, konkurransedyktige maritime næringar og høge klima-ambisjonar. Begge regionane er òg medlemmer av Nordsjøkommisjonen, fortset Thomassen.
Regionar som deler moglegheiter og utfordringar
René Paas, kommisjonæren til den nederlandske kongen i Groningen, peikar på at det nye ferjesambandet vil hjelpa til med å styrka samarbeidet mellom Nord-Nederland og Agder, to regionar som delar mange moglegheiter og utfordringar.
Nord-Nederland består av dei tre provinsane Drenthe, Fryslan og Groningen, med dei fire største byane Assen, Emmen, Groningen og Leeuwarden.
–Både Agder og Nord-Nederland investerer i ei grøn utvikling, med hydrogen og berekraftige transportformer. Det er grunnen til at den nye ferja har som mål å bli eit null-utsleppssamband i 2026. Vi må arbeida saman på tvers av Nordsjøen, seier Paas.
Informasjon om den nye fergeforbindelsen mellom Kristiansand og Eemshaven (red.anm.: utgått lenke fjernet 8. desember 2023)