Interreg er EUs program for grenseoverskridande samarbeid. Noreg kan delta i programma gjennom eigne avtalar med Europakommisjonen.

–Prosjektdeltakarar frå Noreg får medfinansiert 50 prosent av prosjektutgiftene gjennom midlar som blir løyvde over statsbudsjettet. Midlane blir etterskotsvis refunderte kvart halvår på grunnlag av godkjende aktivitets- og økonomirapportar, seier Jon Halvard Eide, rådgivar i avdeling for samskaping og internasjonalisering. 

Den nye ordninga skal bidra til at kommunar og næringsliv deltek i fleire søknader enn i dag, at fleire søknader blir godkjende, og at prosjektdeltakinga utløyser høgare løyvingar.

Aktørar frå Agder kan for perioden 2021–2027 delta i følgjande Interreg-program:

•    Øresund-Kattegat-Skagerrak. 
•    Nordsjøregionen.
•    Østersjøregionen.
•    Europa.
•    ESPON 2030 (analyseprogram).
•    URBACT (byutviklingsprogram).

– Søknader kan leverast fortløpande inn via fanen «Tilskot og stipend» på toppen av nettsida frå fylkeskommunen. Her søkjer ein etter «Stimuleringsmidlar Interreg» . Søknadene vil behandlast fortløpande fram til midlane i ordninga er uttømde, fortel Eide.

Støttegodkjende søkjarar til ordninga er kommunar i Agder, næringslivsorganisasjonar (klyngjer, interesse- og bransjeorganisasjonar) og enkeltbedrifter med verksemdsadresse i fylket.

– Klarleik og truverd i beskrivinga av utfordringar og behov vil vere viktig i vurderinga av søknadene. Det er òg viktig å få fram kvifôr behova kan varetakast på ein betre måte ved deltaking i Interreg-prosjekt enn gjennom nasjonale støtteordningar, avsluttar Eide.

For alle typar tiltak blir  søkjarar som ikkje tidlegare har delteke i Interreg-prosjekt prioritert. Søkjarar som har delteke lite blir prioriterte framfor søkjarar som har delteke meir. Tildeling skjer administrativt innanfor ramma på 2 mill. kroner og i samsvar med oppsetje kriterium.

Informasjon om de ulike Interreg-programma