Send søknad
De skriv søknaden i søkarportalen (sjå boksen under), under støtteordninga Levande og attraktive bygder og grender kring villreinfjellet.
Om støtteordninga
Det lyses nå ut kroner 700 000. Beløpet kan bli auka.
Målet med støtteordninga er bygde- og næringsutvikling kring villreinfjella med søkelyset på levande og attraktive bygder og grender. Bygde- og næringsutvikling er eit av satsingsområda i regional plan for Setesdal Vesthei, Ryfylkeheiane og Setesdal Austhei (Heiplanen), og støtteordninga er forankra i handlingsprogrammet til Heiplanen for perioden 2024-2027.
Føremål
- Legge til rette for aktivitetar og opplevingar som formidlar natur- og kulturarv knytt til villreinfjellet og som spelar på lag med særpreget til bygdene og grendene.
- Aktivitetane og opplevingane skal styrke bygdene og grendene som stader å bu, leve, arbeide og besøke.
Kven kan søkja
Det er kommunane som er med i Heiplanen som kan søkje om økonomisk støtte i samsvar med retningslinene. Det kan vera andre aktørar enn kommunane som gjennomfører prosjektet/tiltaket.
Kva kan det søkjast om
De kan søke om økonomisk støtte til å gjennomføre fysiske tiltak som er i samsvar med føremålet. De kan søke om økonomisk støtte til å planlegge tilrettelegging av aktivitetar og opplevingar. Søknadene blir handsama og avgjort av Heiplansekretariatet.
Kontakt
Om de treng hjelp til å utforme søknad kan de kontakte:
Siv Løvaas, Agder fylkeskommune, Epost: siv.lovaas@agderfk.no
Krav til søknaden
Søknaden må synleggjere følgande:
- Forankring i Heiplanen
- Korleis prosjektet/tiltaket vil medverka til bygdeutvikling og/eller næringsutvikling
- Formidling av natur- og kulturarv knytt til villreinfjellet
Det skal leverast rapport og prosjektregnskap før sluttutbetaling kan finne stad.
For meir informasjon sjå retningslinjene til støtteordninga under.
Retningslinjer 2026 til støtteordninga: Levande og attraktive bygder og grender kring villreinfjella Setesdal Vesthei, Ryfylkeheiane og Setesdal Austhei
Støtteordninga er forankra i Heiplanen.
Tiltaket er forankra i handlingsprogrammet 2024-2027 til satsingsområdet Bygde- og næringsutvikling. Handlingsprogrammet er godkjent i fylkestinga i Agder, Rogaland, Telemark og Vestland fylkeskommunar.
Legge til rette for aktivitetar og opplevingar som formidlar natur- og kulturarv knytt til villreinfjellet og som spelar på lag med særpreget til bygdene og grendene.
Aktivitetane og opplevingane skal styrke bygdene og grendene som stader å bu, leve, arbeide og besøke.
Det er ein føresetnad at aktivitetane og opplevingane ikkje er i konflikt med leveområda til villreinen.
Det er kommunane som er med i Heiplanen som kan søkje om økonomisk støtte i samsvar med retningslinene. Det kan vera andre aktørar enn kommunane som gjennomfører prosjektet/tiltaket.
De skriv søknaden i www.regionalforvaltning.no under støtteordninga Levande og attraktive bygder og grender kring villreinfjellet.
15. MARS 2026
Informasjon om retningsliner og søknadsfrist vert kunngjort på heimesida til fylkeskommunane og med brev til kommunane.
Om de ynskjer rettleiing i utforminga av prosjekt og søknad, ta kontakt med:
Agder fylkeskommune, Siv Løvaas, 901 68 086
Telemark fylkeskommune, Ulla Bech Bråten, 902 53 687
Rogaland fylkeskommune, Vegard Næss 476 13 110
Vestland fylkeskommune, Snorre Waage, 959 76 861
De kan søke om økonomisk støtte til å gjennomføre fysiske tiltak som er i samsvar med føremålet.
De kan søke om økonomisk støtte til å planlegge tilrettelegging av aktivitetar og opplevingar.
Søknadene blir handsama og avgjort av Heiplansekretariatet.
Fyrste sjekkpunktet er om prosjektet/tiltaket er i konflikt med leveområda til villreinen og omsynssonene i Heiplanen. Om prosjektet/tiltaket verkar å vera i konflikt, blir søknaden avslått. Om ikkje i konflikt, blir søknaden vurdert etter kriteria under: -
- Forankring. I Heiplanen, i kommuneplanen?
- Bygdeutvikling. Korleis vil prosjektet/tiltaket medverka til bygdeutvikling?
- Næringsutvikling. Korleis vil prosjektet/tiltaket medverka til næringsutvikling
- Berekraft. Korleis medverkar prosjektet/tiltaket til å oppfylle kva bærekraftsmål?
- Formidling av natur- og kulturarv. Kva og korleis formidling av natur og kulturarv knytt til villreinfjellet?
- Gjennomføringsevne. Korleis kan prosjektet/tiltaket gjennomførast med mindre tilskot enn det de søkjer om.
Det er ynskjeleg å få til ei god geografisk spreiing av dei prosjekta/tiltaka som får økonomisk støtte.
Det kan løyvast inntil 50% av godkjent budsjett. Maks støtte er kr. 250 000. Godkjent timepris for eigeninnsats i budsjettet, er maks 1 promille av brutto årsløn med ei maks grense på kr. 800 pr time.
De skal dele erfaringar og lærdom frå prosjekta/tiltaka på Heiplansamlingar.
De må skildre i søknaden korleis prosjektet/tiltaket oppfyller vurderingskriteria.
De må gjennomføra prosjektet/tiltaket i samsvar med søknad, godkjend budsjett og finansieringsplan. Om endringar, må desse godkjennast på førehand.
I tilsegnsbrevet blir det sett ein frist for gjennomføring. Om prosjektet ikkje blir avslutta innan fristen, blir tilskotet trekt attende. De kan be om utsetjing av fristen.
De skal utarbeide ein prosjektrekneskap med postar som gjer det mogleg å samanlikna rekneskapen med godkjend budsjett. Prosjektrekneskapen skal liggja med når de ber om sluttutbetaling. Prosjektrekneskapen treng ikkje vera godkjent av ein autorisert revisor. Prosjektrekneskapen kan vera ein integrert del av årsrekneskapen.
De må be om utbetaling. De gjer dette i www.regionalforvaltning.no De kan be om å få utbetalt 80% når prosjektet/tiltaket startar. Det som står att må de be om å få betalt ut i www.regionalforvaltning.no saman med innlevering av sluttrapport og prosjektrekneskap.